ՊՍԺ-ի հարձակվող Կիլիան Մբապեի տրանսֆերը Մադրիդի «Ռեալ» կարող է խափանվել։ Ֆուտբոլիստն, ամենայն հավանականությամբ, այս ամառ չի հեռանա Փարիզից։ Այս մասին հայտնում է իսպանական Marca պարբերականը։
ՊՍԺ-ում կարծում են, որ 22-ամյա ֆուտբոլիստը փոքր-ինչ ավելի թանկ արժեք, քան 170 մլն եվրո-ն, որոնք առաջարկել է իսպանական ակումբը։ «Ռեալի» նման առաջարկի դեպքում ֆրանսիական ակումբի ղեկավարությունը մտադիր չէ բանակցություններ վարել։ Միևնույն ժամանակ, «Ռեալի» ղեկավարությունը չի ցանկանում ավելացնել իր առաջարկը։
Հիշեցնենք՝ Մբապեի գործող պայմանագիրը ՊՍԺ-ի հետ նախատեսված է մինչև 2022 թվականի հունիսը։ Կիլիանը 2017 թվականից է հանդես գալիս ՊՍԺ-ում, իսկ մինչ այդ պաշտպանում էր «Մոնակոյի» գույները։
