«Բավարիայի» մարզական տնօրեն Հասան Սալիհամիջիչը հաստատել է, որ մյունխենյան ակումբը հետաքրքրված է Դորտմունդի «Բորուսիայի» հարձակվող Էրլինգ Հոլանդի ծառայություններով:
«Հոլանդը լավագույն ֆուտբոլիստներից մեկն է: Ամբողջ աշխարհը հավանաբար ցանկանում է ձեռք բերել նրան: Իհարկե, մենք ևս հետևում ենք նրան: Հակառակ դեպքում մենք պարզապես սիրողական մակարդակի ակումբ կլինեինք»,- մեջբերում է Սալիհամջիչին Sport1.de-ն:
Հոլանդը «Բորուսիային» միացավ «Ռեդ Բուլ Զալցբուրգից» 2020 թվականի հունվարին: Նորվեգացու պայմանագիրը «մեղուների» հետ ուժի մեջ է մինչև 2024 թվականի հունիսի 30-ը:
2020/2021 մրցաշրջանում հարձակվողը «Բորուսիայի» կազմում անցկացրել է 40 հանդիպում, որոնցում դարձել է 40 գոլի և 11 գոլային փոխանցման հեղինակ: Transfermarkt-ը ֆուտբոլիստի տրանսֆերային արժեքը գնահատում է 130 մլն եվրո: Ավելի վաղ հաղորդվել էր, որ Հոլանդի ծառայություններով հետաքրքրված է «Չելսին»: