Կիսապաշտպան Ջեյդոն Սանչոն «Մանչեսթեր Յունայթեդում» հանդես կգա 25 համարի մարզահագուստով։
Դորտմունդի «Բորուսիայում» անգլիացի ֆուտբոլիստը խաղում էր 7 համարի ներքո, բայց ՄՅՈՒ-ում այդ համարն արդեն զբաղեցրել է Էդինսոն Կավանին։
21-ամյա Սանչոն 5 տարվա պայմանագիր է կնքել ՄՅՈՒ-ի հետ՝ նախատեսված մինչև 2026 թվականը՝ այն ևս մեկ տարով երկարաձգելու հնարավորությամբ։ Գործարքի արժեքը չի հաղորդվում, սակայն ավելի վաղ նշվում էր, որ ՄՅՈՒ-ին դորտմունդցիներին 85 մլն եվրո կվճարի Սանչոյի համար։
