Առողջական խնդիրների պատճառով Լևոն Արոնյանը չի մասնակցի աշխարհի գավաթի խաղարկության 2-րդ շրջանի առաջին պարտիային։ Այդ մասին հայտնում է Հայաստանի Շախմատի ֆեդերացիայի մամուլի ծառայությունը։
Լրացուցիչ թեստավորումներից հետո պարզ կլինի, արդյոք նա կմասնակցի 2-րդ պարտիային թե ոչ։
Երեկ տեղի ունեցան աշխարհի գավաթի խաղարկության առաջին շրջանի թայ-բրեյքները։ Հայաստանի ներկայացուցիչներ Հովհաննես Գաբուզյանը և Հայկ Մարտիրոսյանը, ովքեր առաջին շրջանի 2-րդ պարտիաներում անակնկալ պարտություններ էին կրել, թայ-բրեյքում 2-0 հաշվով հաղթանակ տոնեցին և նվաճեցին 2-րդ շրջանի ուղեգրեր։ Այսպիսով Հայաստանի բոլոր ներկայացուցիչները շարունակում են պայքարը։
2-րդ շրջանից իրենց մրցելույթներն են սկսում Հայաստանի առաջատար շախմատիստներ Լևոն Արոնյանը և Գաբրիել Սարգսյանը։