Լոնդոնի «Արսենալի» կիսապաշտպան Մատեո Գենդուզին, ում պայմանագրի ժամկետն ավարտվում է հաջորդ տարվա ամռանը, հայտարարել է ակումբից հեռանալու մասին: Ֆուտբոլիստը թվիթերում հրաժեշտ է տվել թիմակիցներին ու երկրպագուներին:
«Երբեք չեմ մոռանա «Էմիրեյթսը», երկրպագուներին ու քաղաքը: Երբեք չեմ մոռանա այն, ինչ ապրել եմ այստեղ: Երբեք չեմ մոռանա, որ իմ միակն երազանքն էր պատվով պաշտպանել այս ակումբի «գույները»:
Շնորհակալություն բոլորին, ովքերն ինձ հավատացել են ցանկացած ժամանակ: Միայն լավն եմ ցանկանում ակումբին ու երկրպագուներին, ովքեր ամենալավին են արժանի, հավատացե՛ք: Ցտեսությու՜ն, «Արսենալ»: Երբեք չեմ մոռանա և ընդմիշտ կմնամ «զինագործ»,-գրել է Գենդուզին:
Նախկինում հաղորդվում էր, որ Գենդուզին կարող է տեղափոխվել «Մարսել»:
