Դորտմունդի «Բորուսիան» ձգտում է պահել Էրլինգ Հոլանդին ու աստղային հարձակվողի տրանսֆերը գնահատում է 200 մլն եվրո։ Այս մասին գրում է AS-ը։
Նման բարձր գինը պայմանավորված է ԱՊԼ ակումբների, իսկ ավելի կոնկրետ ՄՅՈՒ-ի, «Մանչեսթեր Սիթիի» ու «Չելսիի» կողմից հետաքրքրությամբ։ «Կարմիր սատանաների» գլխավոր մարզիչ Օլե-Գունար Սուլշերն ուզում է վերամիավորվել Հոլանդի հետ, որի հետ աշխատել է «Մոլդեում»։ Խոսեպ Գվարդիոլան ևս երիտասարդ ֆուտբոլիստի երկրպագուն է, բայց «Սիթիի» համար առաջնային տարբերակ կլինի «Տոտենհեմի» հարձակվող Հարի Քեյնը։ «Չելսին» ուզում է ստանալ Հոլանդին, բայց, ամենայն հավանականությամբ, ակումբը կենտրոնացած է Տիմո Վերների խաղի բարելավման վրա, ում ստանալու համար «կապույտները» ընդամենը մեկ տարի առաջ 53 մլն եվրո էին ծախսել։
«Ռեալը» ևս հետաքրքրված է Հոլանդով, եթե մադրիդցիները չկարողանան ձեռք բերել ՊՍԺ-ի Կիլիան Մբապեին։ Բացի դրանից, նորվեգացու ծառայություններով հետաքրքրված է նաև «Բարսելոնան», որը նրան ձեռք բերելու միջոցներ է փնտրում։