«Ռեալի» կիսապաշտպան Կազեմիրոն մեկնաբանել է իսպանական Պրիմերայի վերջին տուրի արդյունքներն, ինչպես նաև խոսել է նախորդ մրցաշրջանի դժվարությունների մասին․
«Մենք պետք է հաղթեինք ու սպասեինք, թե ինչ տեղի կունենա զուգահեռաբար ընթացող խաղում, որտեղ խաղում էր «Ատլետիկոն»։ Նրանք նույնպես հաղթեցինք։ Նրանք արեցին այն, ինչ պետք է անեին։ Մնում է միայն շնորհավորել նրանց չեմպիոնության առթիվ։
Բայց ամենակարևորը մենք ենք։ Մենք պայքարեցինք ամբողջ մրցաշրջանի ընթացքում։ Չնայած վնասվածքներին, կորոնավիրուսին և այլ դժվարություններին։ Մինչև վերջ պայքարեցինք թե՛ Լա Լիգայում, թե՛ Չեմպիոնների լիգայում։ Բոլոր ֆուտբոլիստները հպարտ են այս դժվար մրցաշրջանով։ Բայց պետք է ինչ-որ բան փոխել; Չէ՞ որ մենք ոչ մի տիտղոս չնվաճեցինք այս մրցաշրջանում»,- Կազեմիրոյի խոսքերն է փոխանցում AS-ը։
Մադրիդի «Ատլետիկոն» իր պատմության մեջ 11-րդ անգամ նվաճեց Իսպանիայի չեմպիոնությունը՝ 38 խաղից հետո վաստակած 86 միավորով։ Երկրորդ տեղը զբաղեցրած «Ռեալին» «Ատլետիկոն» գերազանցեց երկու միավորով, իսկ «Բարսելոնան» երրորդն է 79 միավորով։
