«Բարսելոնայի» կիսապաշտպան Ուսման Դեմբելեն պատմել է «Բորուսիայի» նախկին գլխավոր մարզիչ Թոմաս Տուխելի հետ համատեղ աշխատանքի մասին։
«Բորուսիայում» ամեն ինչ հիանալի էր, մենք սուպեր-կազմ ունեինք, թիմում ինձ շատ ջերմ ընդունեց Պյեր-Էմերիկ Օբամեյանգը, չնայած գերմաներենի առումով դժվարություններ ունեի։ Ֆուտբոլում Պյերն իմ ամենասիրելի մարդն է։ Ինչպես նախկինում ասել եմ, ինձ համոզեց «Բորուսիա» տեղափոխվել Թոմաս Տուխելը, նա իմ սիրելի մարզիչն է։
Մրցաշրջանի սկզբում՝ Տուխելի օրոք, ես ավելի շատ խաղում էի աջ եզրին մոտ, հետո ինձ տեղափոխեցին կենտրոն, իսկ երբեմն ես նույնիսկ խաղում էի կենտրոնական կիսապաշտպանների եռյակում։
Նա ինձ խնդրում էր մնալ կենտրոնում, պատվիրել էսպրեսո, ինչպես նա էր սիրում ասել, իսկ երբ գնդակը հասներ ինձ, այդ ժամանակ էլ սկսել առաջ շարժվել։ Եթե նա մնար «Բորուսիայում», ինձ համար հեշտ չէր լինի հեռանալ թիմից»,- Դեմբելեի խոսքերն է փոխանցում BeIN Sports-ը։
Տուխելը 2017 թվականին «Բորուսիայից» հեռանալուց հետո 2018-ից 2020 թվականներին մարզել է ՊՍԺ-ն, իսկ այժմ գլխավորում է «Չելսին»։
