Նորիջի «Քերոու Ռոուդ» մարզադաշտում կայացել է Չեմպիոնշիփի 45-րդ տուրի՝ «Նորվիչ Սիթի»-«Ռեդինգ» հանդիպումը, որն ավարտվել է տանտերերի՝ 4-1 հաշվով հաղթանակով։
12-րդ րոպեին հյուրերի կիսապաշտպան Ջոշ Լորենտը բացել է խաղի հաշիվը, սակայն այս գոլն այդպես էլ մնացել է միակը հյուրերի կատարմամբ։ 30-րդ րոպեին Կիրան Դովելը հավասարեցրել է հաշիվը, 64-րդ րոպեին նա դուբլ է ձևակերպել՝ առաջ մղելով տանտերերին։ 78-րդ րոպեին Կինտիլյան երրորդ գնդակն է ուղարկել մրցակցի դարպասը, իսկ հանդիպման վերջնահաշիվը ձևակերպել է Տեեմու Պուկին՝ 85-րդ դառնալով գոլի հեղինակ։
Այսպիսով, Չեմպիոնշիփի առաջնության ավարտից մեկ տուրի առաջ «Նորվիչ Սիթին» վաստակել է 96 միավոր ու անհասանելի դարձել մոտակա հետապնդողների համար։ Վերջին երեք տարում նրանք երկրորդ անգամ են դառնում Չեմպիոնշիփի հաղթող։ 2018/2019 մրցաշրջանում նրանք 46 խաղից հետո 94 միավորով դարձան հաղթող։
Դանիել Ֆարկեի սաները դեռ ապրիլի 17-ին՝ 42-րդ տուրից հետո, ապահովել էին իրենց մասնակցությունն ԱՊԼ-ի հաջորդ մրցաշրջանին։
