«Ինտերի» գլխավոր մարզիչ Անտոնիո Կոնտեն խոսել է Ա Սերիայի 30-րդ տուրում «Կալյարիի» նկատմամբ տարած 1-0 հաշվով հաղթանակի մասին։
«Խաղերը քչանում են, ու յուրաքանչյուր հաղթանակ կրկնակի արժեք ունի, ես արդեն որոշ ժամանակ է դա եմ կրկնում։ Երեկ «Միլանը» հաղթեց, ու մեզ համար կարևոր էր առաջվա պես պահել հեռավորությունը։
Մենք սովորում ենք այս իրավիճակին․ իրավիճակի, երբ մենք անընդհատ ճնշման տակ ենք, խաղում ենք հաղթանակի համար։ Շատ գոհ եմ նրանից, թե ինչպես ենք տղաների հետ առաջ գնում։ Երկու մրցաշրջանի ընթացքում մենք շատ ենք աճել բոլոր առումներով»,- Կոնտեի խոսքերն է փոխանցում La Gazzetta dello Sport-ը։