Ռոբերտ Արզումանյանը, Վահագն Մինասյանը, Արթուր Եդիգարյանը և ևս 17 մարզիչներ մասնակցում են ՀՖՖ մարզչական Ա արտոնագրի դասընթացին, որը մեկնարկել է ՀՖՖ Տեխնիկական կենտրոն/Ֆուտբոլի ակադեմիայում, հայտնում է Հայաստանի ֆուտբոլի ֆեդերացիայի պաշտոնական կայքէջը:
Ապրիլի 2-ին կայացել է դասընթացի բացումը: Մասնակիցներին ողջույնի խոսքով են դիմել ՀՖՖ Տեխնիկական տնօրեն Ռաֆայել Նազարյանը և տեխնիկական տնօրենին կից մարզչական խորհրդի անդամ, Հայաստանի ազգային հավաքականի գլխավոր մարզչի օգնական Սուրեն Չախալյանը:
Առաջին օրը դասախոսություն է կարդացել Հայաստանի ազգային հավաքականի ֆիզպատրաստության մարզիչ Խավիեր Մինյանոն:
Դասընթացը բացկացած կլինի մի քանի մոդուլներից, որոնց ընթացքում դասախոսություններ կկարդան ինչպես տեղացի, այնպես էլ արտասահմանցի հրահանգիչները:
