«Լիվերպուլի» պաշտպան Նեկո Ուիլյամսը խոսել է թիմի գլխավոր մարզիչ Յուրգեն Կլոպի հետ հարաբերությունների մասին։
«Կլոպն իմ կարիերայում ահռելի դեր է խաղացել։ Ես 6 տարեկանից «Լիվերպուլում» եմ, իսկ գլխավոր թիմում նորամուտն ինձ համար անիրական պահ դարձավ։ Կլոպի օրոք նորամուտը նշելն ինձ վստահություն տվեց։ Դա յուրահատուկ մի բան էր։
Եթե մի կամ մի քանի վատ խաղ անցկացես, նա առաջինը կմոտենա քեզ ու կասի՝ ինչն է պետք ավելացնել։ Նա նաև կասի՝ ինչն էր լավ քեզ մոտ։ Դա վստահություն է հաղորդում խաղերից ու մարզումներից առաջ։ Նրա ղեկավարությամբ ես ավելի հասուն խաղացող դարձա։ Իմ նորամուտից սկսած նա ինձ շատ բան է սովորեցրել»,- ասել է Ուիլյամսը ակումբի պաշտոնական կայքի հետ զրույցում։
