«Ռեյնջերսի» գլխավոր մարզիչ Սթիվեն Ջերարդը Եվրոպայի լիգայի 1/8 եզրափակչի «Սլավիայի» դեմ պատասխան խաղից հետո (0:2) մեղադրեց Պրահան ներկայացնող թիմի պաշտպան Օնդրեժ Կուդելային ռասիզմի մեջ: Ըստ Ջերարդի՝ Կուդելան վիրավորել է կիսապաշտպան Գլեն Կամարային:
«Ես զայրացած եմ: Սա շատ զայրացնում է: Ֆուտբոլում այնքան շատ բաներ են կատարվում: Ես կարող եմ հաստատել միայն այն, որ իմ խաղացողն ինձ ասաց, որ իրեն վիրավորել են ռասիստական արտահայտություններով։
Ես շատ, շատ մտերիմ հարաբերությունների մեջ եմ Կամարայի հետ: Ես վստահում եմ նրան, ինչպես ինքս ինձ, 100%-ով: Նրա հասցեին վիրավորանքները նաև լսել էին նրա շրջապատի մյուս խաղացողները:
Եվ Գլենը, և ես ուզում ենք դա կարգավորել: Հիմա այս իրավիճակը ՈՒԵՖԱ-ի արտոնությունն է: Հուսով եմ, որ դա չի թուլանա: Խաղի ընթացքում ես փորձեցի հարցրեցի Գլենին՝նա արդյոք նա ցանկանում է լքել խաղադաշտը: Ես կաջակցեի նրան, անկախ նրա որոշումից, բայց ֆուտբոլիստը մնաց խաղադաշտում, դա նրա որոշումն էր», — Ջերարդի խոսքերն է մեջբերում BT Sport-ը:
Սլավիայի նախագահ Յարոսլավ Տվրդիկը Twitter-ում հանդես է եկել պաշտոնական հայտարարությամբ, որում ասվում է, որ ակումբը կտրականապես հերքում է Կուդելային ուղղված բոլոր մեղադրանքները: Միևնույն ժամանակ, Տվրդիկը հաստատեց, որ խաղից հետո Օնջրեժին ծեծել են «Ռեյնջերս» մարզադաշտում:
«Մենք կցանկանայինք, որ ՈւԵՖԱ-ն մանրամասն ուսումնասիրի այս իրավիճակը», — շեշտել է Տվրդիկը:
