«Բարսելոնայի» գլխավոր մարզիչ Ռոնալդ Կումանն ամփոփել է ՊՍԺ-ի հետ անցկացրած պատասխան խաղը Չեմպիոնների լիգայի 1/8 եզրափակչի շրջանակում: Կատալոնացիները դուրս մնացին հետագա պայքարից՝ դիմակայությունում պարտվելով ընդհանուր 5-2 հաշվով.
«ՊՍԺ-ի հետ անցկացրած խաղից հետո մենք լավ զգացողություններ ունենք: Այո, մենք դուրս մնացինք, ու շատ ենք ցավում դրա համար, բայց «Բարսելոնան» պատասխան խաղում բարդացրեց նրանց գործը: Առաջին կեսում մենք հիանալի ֆուտբոլ ցուցադրեցինք, ու արժանի էինք ընդմիջման գնալ 2-1 հաշվի պայմաններում, իսկ այդ հաշվի դեպքում ամեն ինչ այլ կերպ կարող էր դասավորվել: Մենք ռիսկի դիմեցինք, ճնշում գործադրեցինք, գերիշխեցինք ու բավականին շատ պահեր ստեղծեցինք, բայց չօգտվեցինք դրանցից:
Բարսելոնան» գնում է այլ ճանապարհով: Շատ եմ ցավում, որ Մեսսին ու Ռոնալդուն չհայտնվեցին քառորդ եզրափակչում: Բայց Լիոնելն ինքը պետք է որոշի իր ապագայի հետ կապված հարցը, ոչ ոք նրան չի կարող օգնել այդ հարցում: Արդեն հիմա նա տեսնում է, որ թիմը շարժվում է ճիշտ ճանապարհով: Եվ հաշվի առնելով մեր կողմից արված փոփոխություններն ու երիտասարդ ֆուտբոլիստների քանակը, ովքեր միայն աճ են գրանցում, նա չի կարող կասկածել այս թիմի ապագայի հարցում: Հպարտանալ կարող է յուրաքանչյուրը, այդ թվում՝ մեր նախագահը: Մենք ցույց տվեցինք մեր իրական դեմքը. առաջինից մինչև վերջին րոպեն մենք տեսանք այն «Բարսելոնային», որը ցանկանում էր հաղթել այս խաղում»,-Կումանի խոսքերն է փոխանցում Marca-ն:
