Միլանի «Ինտերը» մոտ է Լոնդոնի «Չելսիի» հարձակվող Օլիվյե Ժիրուին ձեռք բերելուն: Տրանսֆերի համար իտալացիները 5-6 մլն եվրո կվճարեն, հայտնում է Sky Sport Italia-ն:
«Ինտերը» Ժիրուի հետ համաձայնեցրել է պայմանագրի պայմանները: Պայմանագիրը նախատեսված կլինի մինչև 2022 թվականի հունիսի 30-ը:
Միլանյան ակումբի ղեկավարությունը կշարունակի բանակցություններ վարել «Չելսիի» հետ այս հանգստյան օրերին: Սպասվում է, որ կողմերը մոտ ժամանակներս կհայտարարեն տրանսֆերի մասին:
Օլիվյեն 2018 թվականի հունվարից է հանդես գալիս «Չելսիում»:33-ամյա ֆրանսիացու պայմանագիրը «կապույտների» հետ նախատեսված է մինչև ընթացիկ մրցաշրջանի ավարտը: Ընթացիկ մրցաշրջանում Ժիրուն ակումբային մակարդակում բոլոր մրցաշարերում 7 հանդիպման է մասնակցել և դարձել 1 գոլի հեղինակ:
«Ինտերը», վաստակելով 45 միավոր, գլխավորում է Ա Սերիայի մրցաշարային աղյուսակը: