Գլխավոր մարզչի պաշտոնից հրաժարվելու դեպքում Յուրի Սյոմինը կարող է մնալ Մոսկվայի «Լոկոմոտիվում»: Այս մասին հայտնում է Sport-Express-ը:
Ըստ թերթի, բանակցությունները մայրաքաղաքային ակումբի ղեկավարության և 73-ամյա մասնագետի միջև՝ պատվավոր պաշտոնում նշանակվելու վերաբերյալ, բավականին առաջընթաց են գրանցել: Հաղորդվում է, որ Սյոմինը կարող է ընդունել «Լոկոմոտիվում» մնալու առաջարկը:
«Լոկոմոտիվի» մամուլի ծառայությունը RBC-ին տեղեկացրել է, որ իրենք դեռ պատրաստ չեն մեկնաբանել այս իրավիճակը:
Նախօրեին Match TV-ի մեկնաբան Նոբել Առուստամյանը հայտարարել է, որ Սյոմինն այս շաբաթ կլքի ակումբի գլխավոր մարզչի պաշտոնը: Նրա տեղը կզբաղեցնի սերբական «Պարտիզանի» և հունգարական «Ֆեհերվարի» նախկին գլխավոր մարզիչ Մարկո Նիկոլիչը: