Մադրիդի «Ռեալի» հարձակվող Լուկա Յովիչը զայրացած արձագանք է ստացել իր հասցեին հարազատ Սերբիայում, երբ նա որոշել է վերադառնալ երկիր ՝ անտեսելով կորոնավիրուսիի պատճառով Մադրիդում կարանտինացման անհրաժեշտությունը: Այդ մասին հայտնում է sport.es-ը:
«Մենք ունենք բացասական օրինակներ, թե ինչպես են մեր ֆուտբոլային աստղերը միլիոնավոր եվրոներ վերցնում և անտեսում պարտադիր ինքնամեկուսացումը տուն վերադառնալիս», — ասել էՍերբիայի վարչապետ Անա Բրնաբիչը՝ առանց կոնկրետ անուններ տալու:
Բրնաբիչը և այլ ղեկավարներ նախկինում կոչ էին անում բոլոր Սերբիայի քաղաքացիներին զերծ մնալ տուն վերադառնալուց՝ վիրուսի տարածումը սահմանափակելու անհրաժեշտության պատճառով: Այնուամենայնիվ, ավելի քան 45 հազար սերբ վերադարձել են երկիր՝ անտեսելով կարանտինը:
«Լուկան մեծ հիմարություն է արել: Նա ընդհատել է մեկուսացումը Մադրիդում և, չնայած բոլոր նախազգուշացումներին, վերադարձել Սերբիա», — գրում է Informer թերթը: Նշվում է նաև, որ Յովիչը քայլել է Բելգրադի փողոցներում ՝ նշելով իր ընկերուհու ծննդյան օրը:
Հիշեցնենք, որ մեկ շաբաթ առաջ «Ռեալի» բասկետբոլի թիմի խաղացող Տրեյ Թոմփկինսի կորոնավիրուսի թեստը դրական է եղել: Բասկետբոլիստներն ու ֆուտբոլային ակումբի խաղացողները մարզվել են միասին և շփվել միմյանց հետ: Դրանից հետո «Ռեալը» հայտարարել էր կարանտին:
