«Չելսին» կարող է պայմանագիր կնքել Մադրիդի «Ռեալի» կիսապաշտպան Իսկոյին ձմեռային տրանսֆերային պատուհանի ընթացքում: Այս մասին հայտնում է Mirror-ը:
Աղբյուրի փոխանցմամբ, իսպանական ակումբը մտադիր է թեթևացնել կազմը, որպեսզի արդեն հունվարին ձեռք բերի «Տոտենհեմի» կիսապաշտպան Քրիստիան Էրիկսենին, որը հրաժարվել է նոր պայմանագիր կնքել լոնդոնյան թիմի հետ:
27-ամյա իսպանացի ֆուտբոլիստը բավականաչափ խաղաժամանակ չի ստանում և մտածում է ձմռանը թիմը փոխելու մասին: «Չելսին», իր հերթին, պատրաստ է ուժեղացնել կազմը հունվարին և, ինչպես ավելի վաղ հաղորդվում էր, կարող է ավելի քան 150 մլն եվրո ծախսել: Իսպանիայի հավաքականի ֆուտբոլիստի ծառայություններով հետաքրքրված է «Մանչեսթեր Սիթին»:
Իսպանիայի առաջնության ընթացիկ մրցաշրջանում Իսկոն 10 հանդիպման է մասնակցել: Կիսապաշտպանը ոչ մի գոլի կամ գոլային փոխանցման հեղինակ չի դարձել:
