Իտալիայի Ա սերիայի 16-րդ տուրի շրջանակում «Նապոլին» սեփական հարկի տակ ընդունել էր «Պարմային»։
Նեապոլիտանական ակումբի նորանշանակ գլխավոր մարզիչ Ջենարո Գատուզոյի համար սա նորամուտի խաղն էր։
Հանդիպման հաշիվը բացեցին հյուրերը։ Չորրորդ րոպեին աչքի ընկավ Դեյան Կուլուշեվսկին։ Երկրորդ կեսում «Նապոլին» կարողացավ հավասարեցնել հաշիվը։ 64-րդ րոպեին աչքի ընկավ Արկադիուս Միլիկը։ Մրցավարի կողմից ավելացված ժամանակի երրորդ րոպեին Ժերվինյոն հաղթանակ պարգևեց «Պարմային»։
«Նապոլին» մնում է 21 միավորով, «Պարման» միավորների քանակը հասցնում է 24-ի ու 7-րդն է մրցաշարային աղյուսակում։