«Չելսիի» դարպասապահ Կեպա Առիսաբալագան չի ուզում հեռանալ լոնդոնյան ակումբից ու մտադիր է պայքարել հիմնական կազմում իր տեղի համար։ Այս մասին հաղորդում է The Telegraph-ը։
Ֆուտբոլիստը պլանավորում է մնալ, նույնիսկ եթե ակումբը դարպասապահի դիրքի համար մրցակից գնի։ Կեպան ուզում է գլխավոր մարզիչ Ֆրենկ Լեմպարդի կողմից շանս ստանալ, որպեսզի դրսևորի իրեն։
25-ամյա Կեպան «Չելսի» էր տեղափոխվել 2018 թվականին «Աթլետիկից» ռեկորդային 80 մլն եվրոյով, սակայն հետո խաղի պատճառով քննադատության էր արժանացել։ Իսպաանացու պայմանագիրը «Չելսիի» հետ գործում է մինչև 2025-ի ամառ։