ՊՍԺ-ի հարձակվող Կիլիան Մբապեն խոսել է թիմի գլխավոր մարզիչ Թոմաս Տուխելի մասին՝ Չեմպիոնների լիգայի եզրափակչին ընդառաջ:
Փարիզյան թիմը եվրոպական ակումբային ֆուտբոլի գլխավոր տիտղոսի համար կպայքարի «Բավարիայի» հետ. վճռորոշ հանդիպումը կկայանա այսօր՝ օգոստոսի 23-ին, Լիսաբոնում.
«Ֆուտբոլիստներն աջակցում են մարզչին: Ես շատ եմ լսել օրինակ այն մասին, թե իբր նա չի կարողանում վերահսկել հանդերձարանը, չգիտի, թե ինչպես ղեկավարել աստղային խաղացողներին և շատ այլ բաներ, բայց նրա հետ թիմը լավագույն մրցաշրջանն է անցկացնում ակումբի պատմության մեջ: Մենք հաղթել ենք բոլոր տիտղոսները, որ կարող էինքլ դուրս ենք եկել Չեմպիոնների լիգայի եզրափակիչ:
Նա կարողացավ մեզ բոլորիս հասցնել անհրաժեշտ մարզավիճակի: Իհարկե, որոշ բաներ եղան, բայց կարծում եմ՝ նման բաներ բոլոր մարզիչների հետ տեղի են ունենում:
Նա իսկապես այն մասնագետն է, որին մենք հավատում ենք»,- Մբապեի խոսքերն է փոխանցում RMC Sport-ը:
Հիշեցնենք՝ եզրափակիչ հանդիպման մեկնարկը 23:00-ին է:
Adjarabet բուքմեյքերական ընկերությունը ՊՍԺ-ի հաղթանակը գնահատում է 3,20 գործակցով, ոչ ոքին՝ 4,30, իսկ «Բավարիայի» հաղթանակը՝ 2,10։