«Լիվերպուլի» նախկին գլխավոր մարզիչ Բրենդան Ռոջերսը, որն այժմ գլխավորում է «Լեսթեր Սիթին», նշել է, որ մերսիսայդյան ակումբն արժանի է անգլիական Պրեմիեր-լիգայի չեմպիոնությանը.
«Անկասկած, դա լավագույն թիմն է: Այն, թե նրանք ինչպես են խաղում, խաղի որակը … պարզապես անհավանական է: Միանգամայն խայտառակություն կլինի, եթե «Լիվերպուլը» հնարավորություն չստանա գլխավերևում պագելու ԱՊԼ-ի չեմպիոնական տիտղոսը: Նրանք այնքան երկար են դրան սպասել, և նրանք դրան արժանի են:
Բայց Կլոպը, ինչպես և մնացած բոլորը, հույս ունեն, որ խաղալ հնարավոր կլինի, երբ անվտանգության սպառնալիքներ չեն լինի»,- Ռոջերսի խոսքերն է փոխանցում Sky Sports-ը:
Անգլիայի առաջնությունը, ինչպես և համաշխարհային մյուս մարզական մրցաշարերը, դադարեցվել է կորոնավիրուսի համավարակի պատճառով: ԱՊԼ-ում խաղացվել է 29 տուր, առաջատարը «Լիվերպուլն» է՝ երկրորդ տեղում ընթացող թիմին գերազանցելով 25 միավորով:
