Մադրիդի «Ռեալի» և Արգենտինայի ազգային հավաքականի եզրային հարձակվող Ֆրանկո Մաստանտուոնոն մեկնաբանել է այն շրջանառվող լուրերը, համաձայն որոնց՝ Լոնդոնի «Չելսիի» կիսապաշտպան և ազգային ընտրանու իր թիմակից Էնցո Ֆերնանդեսը հնարավոր է տեղափոխվի մադրիդյան ակումբ։
«Իհարկե, ես մեծ ուրախությամբ Էնցո Ֆերնանդեսին կտեսնեի որպես իմ թիմակից նաև ակումբում։ Սակայն այս պահին ես ոչինչ չգիտեմ նրա նկատմամբ «Ռեալի» հնարավոր հետաքրքրվածության մասին», — արգենտինացու խոսքերն է մեջբերում DSPORTS-ը։
Ավելի վաղ սպորտային մամուլում տեղեկություններ էին տարածվել, որ Ֆերնանդեսը կարող է համալրել «արքայական» ակումբի շարքերն արդեն առաջիկա ամռանը։ Ինքը՝ ֆուտբոլիստը, հայտարարել է, որ իր ակումբային ապագայի վերաբերյալ վերջնական որոշում կկայացնի աշխարհի առաջնության ավարտից հետո։ Ընդ որում, կիսապաշտպանը հատկանշական կերպով ընդգծել է, որ հենց Մադրիդն է այն քաղաքը, որտեղ ինքը կցանկանար ապրել և շարունակել իր կարիերան։
