Մադրիդի «Ատլետիկոյում» առանձնացրել են երեք ֆուտբոլիստի, որոնք կարող են փոխարինել հարձակվող Անտուան Գրիզմանին, որը վերջերս պայմանագիր է կնքել MLS-ը ներկայացնող «Օռլանդո Սիթիի» հետ։ Այս մասին հայտնում է իսպանական Sport.es պարբերականը։
Աղբյուրի համաձայն՝ իսպանական ակումբը դիտարկում է ՊՍԺ-ի կիսապաշտպան Լի Կան Ինի տրանսֆերը գնելու հնարավորությունը: Բացի այդ, մադրիդցիները հետաքրքրված են Մարսելի «Օլիմպիկի» հարձակվող Մեյսոն Գրինվուդի և «Բարսելոնայի» խաղացող Ֆերան Տորեսի ծառայություններով։
«Ատլետիկոյի» ղեկավարությանը կորեացի ֆուտբոլիստը գրավում է սահմանափակ տարածության վրա մրցակցի պաշտպանությունը ճեղքելու ունակությամբ և հարձակվողների հետ արդյունավետ փոխգործակցությամբ։ Գրինվուդն աչքի է ընկնում գրոհները եզրափակելու վարպետությամբ, արագությամբ, ինչպես նաև Լա լիգայում խաղալու հարուստ փորձով։ Ինչ վերաբերում է Տորեսին, ապա նա ունիվերսալ խաղացող է, որը կարող է միաժամանակ մի քանի դիրքեր փակել հարձակման գծում:
Հիշեցնենք, որ «Օռլանդո Սիթին» Գրիզմանի տրանսֆերի մասին պաշտոնապես հայտարարեց մարտի 24-ին։ Ֆրանսիացի աստղի պայմանագիրն ամերիկյան ակումբի հետ ուժի մեջ կմտնի 2026 թվականի հուլիսին և նախատեսված կլինի մինչև 2027/28 մրցաշրջանի ավարտը՝ ևս մեկ տարով երկարաձգելու հնարավորությամբ։
