Անգլիական «Նորվիչ Սիթին» հայտարարել է Յոհան Հոֆ Տորուպի՝ ակումբի գլխավոր մարզչի պաշտոնից հեռանալու մասին։ «Արսենալի» նախկին խաղացող Ջեք Ուիլշերը կլինի թիմի գլխավոր մարզչի ժամանակավոր պաշտոնակատարը։
«Թեև մենք այս մարզչին նշանակեցինք երկարաժամկետ հեռանկարներով և ակումբի ավելի լայն ռազմավարության և ուղղության համաձայն, ցավոք, վերջին արդյունքներն ու ելույթները մեզ հանգեցրին փոփոխությունների անհրաժեշտությանը:
Ցանկանում եմ իմ անկեղծ շնորհակալությունը հայտնել Յոհաննեսին և նրա օգնականին։ Նրանք երկուսն էլ ֆանտաստիկ մարդիկ են, ովքեր անխոնջ աշխատել են բարելավելու և առաջ մղելու մեր ֆուտբոլային ակումբը: Բոլորս նրանց լավագույնն ենք մաղթում կարիերայի հաջորդ փուլում»,- մարզական տնօրեն Բեն Կնապերի խոսքերն է մեջբերում ակումբի պաշտոնական կայքը։
Հաղորդվում է, որ Ջեկ Ուիլշերը ժամանակավորապես կգլխավորի առաջին թիմը Չեմպիոնշիփի մրցաշրջանի մնացած երկու խաղերում:
«Նորվիչը» Անգլիայի առաջնության 2024/25 մրցաշրջանի աղյուսակում 14-րդն է։ Թիմը 44 խաղում վաստակել է 53 միավոր։
