Չնայած Անգլիայի ֆուտբոլային ասոցիացիայի նախազգուշացմանը, «Քրիսթալ Փելասի» պաշտպան Մարկ Գեհին կրկին կրոնական ուղերձ է գրել իր թևկապի վրա։
FA-ն բավարարվել էր նախազգուշացմամբ այն բանից հետո, երբ Մարկն անցած շաբաթ «Նյուքասլի» հետ խաղին դուրս էր բերել իր թիմակիցներին ծիածանագույն թևկապով, որի վրա գրված էր «Ես սիրում եմ Հիսուսին»։
Պրեմիեր լիգայի «ծիածանային քուղեր» արշավն աջակցում է ԼԳԲՏ համայնքին և պայքարում խտրականության դեմ, ընդրկգում է նաև այս շաբաթվա մեջ անցկացվող հանդիպումները։ Երեկ երեկոյան Գեհին կրկին ստիպված է եղել ծիածանագույն թևկապ կրել։
Այս անգամ ևս 24-ամյա ֆուտբոլիստը խաղադաշտ էր դուրս եկել նույն գրվածքով, հաղորդում է BBC-ն։
Հետաքրքիր կլինի տեսնել, թե այս անգամ ինչ արձագանք կտա Անգլիայի ֆուտբոլային ասոցիացիան, քանի որ պաշտոնապես կրոնական և քաղաքական կարգախոսներն ու արտահայտությունները համարվում են կանոնների խախտում։
Հավելենք, որ նշված խաղում, որն ավարտվեց «Քրիսթալ Փելասի» հաղթանակով (1:0), «Իփսվիչի» ավագ Սեմ Մորսին կրկին հրաժարվել էր ծիածանագույն թևկապ կրել։
