Պորտուգալացի լրագրողը կոչ է արել սահմանափակել Կրիշտիանու Ռոնալդուի կարգավիճակը հավաքականում։
«Խոսքը նրա տարիքի մասին չէ, այլ շատ այլ բաների: Պեպեն 41 տարեկան էր, բայց անցյալ ամառ նրա ելույթները հիմնականում գովասանքի էին արժանանում:
Բայց վերջին Աշխարհի առաջնությունում և Եվրոյում Ռոնալդուի ելույթից ավելի մեծ սպասելիքներ կային: Ֆերնանդու Սանտուշը փորձեց վերջ տալ նրա անձեռնմխելի կարգավիճակին, բայց Մարտինեսի հետ դա տեղի չունեցավ: Պորտուգալիայի ֆուտբոլի ֆեդերացիան հրաժարվեց ավարտել թիմի հետ նրա պատմությունը Կատարի աշխարհի առաջնությունից հետո, ինչն օգնում է բացատրել Մարտինեսին նշանակելու որոշումը։
Իհարկե, Ռոնալդուի և նրա բրենդի կարևորությունը չի կարելի թերագնահատել, բայց աներևակայելի տաղանդավոր սերնդի լավագույն տարիներն անցնում են, և նրանք դեռևս չեն կարողանում գնդակով խաղալու լիակատար ազատություն ցուցաբերել:
Ռոնալդուի նկատմամբ այլ մոտեցումը՝ կենտրոնանալով առանձին իրավիճակների վրա, որտեղ նա կարող է նպաստել, շատ ավելի արդյունավետ կլինի նրա կարիերայի այս փուլում»,- BBC-ին ասել է պորտուգալացի լրագրող Տոմաշ Դա Կունյան:
Դա Կունյան նաև խոսել է Ռոնալդուի ցանկության մասին՝ հասնելու կարիերայում 1000 գոլի նշաձողին, նախքան նա կմտածի կարիերան ավարտելու մասին:
«Դա արդեն իր ազդեցությունն է ունեցել վերջին մի քանի տարիների ընթացքում. թիմը միշտ խաղում է նրա համար, և Ռոնալդուն ինքն է անձնապես է տրամադրված այս իրավիճակում», — ավելացրեց նա:
