2024 թվականի Օլիմպիական խաղերի ֆուտբոլի մրցաշարի խմբային փուլի 2-րդ տուրում Արգենտինայի հավաքականը վստահ հաղթանակ տարավ Իրաքի ընտրանու նկատմամբ (3։1):
Հանդիպման 14-րդ րոպեին հաշիվը բացեց արգենտինացի հարձակվող Տիագո Ալմադան՝ Խուլիան Ալվարեսի գոլային փոխանցումից հետո։ Առաջին խաղակեսի հիմնական ժամանակին ավելացված 5-րդ րոպեին Իրաքի հավաքականի հարձակվող Այմեն Հուսեյնը հավասարեցրել է հաշիվը։ 63-րդ րոպեին հարձակվող Լուչիանո Գոնդուն առաջ մղեց Արգենտինային։ 85-րդ րոպեին արգենտինացի կիսապաշտպան Իգնասիո Ֆերնանդեսը խփեց իր թիմի երրորդ գոլը՝ ձևակերպելով հանդիպման վերջնական հաշիվը՝ 3։1։
Հիշեցնենք, որ անցկացված երկու տուրից հետո երկու հավաքականներն էլ ունեն երեքական միավոր։ Արգենտինան և Իրաքը ընդգրկված են B խմբում Մարոկկոյի և Ուկրաինայի հավաքականների հետ։
