Հաշվի առնելով, որ եվրոպական բոլոր առաջնություններում մոտ մեկամսյա դադար է լինելու, այժմ կարող ենք մանրադիտակի տակ առնել մինչ այժմ կայացած տուրերի արդյունքները՝ գրանցելով մի շարք հետաքրքիր ցուցանիներ։
Այս անգամ, մեր նոր՝ «Ֆուտբոլը՝ թվերով» շարքում, մենք Ձեզ կներկայացենք թոփ-5 լիգաների ամենաարդյունավետ թիմերին։
⚽ Լացիո՝ 60 գոլ
«Լացիոն» Ա Սերիայի այս մրցաշրջանի գլխավոր հատնություններից մեկն է, ով հավասար պայքար է մղում չեմպիոնության համար «Յուվենտուսի» և «Ինտերի» հետ։ Իսկ նրանց գլխավոր ռմբարկուի՝ Չիրո Իմոբիլեի համար այս մրցաշրջանը թերևս լավագույնն է նրա կարիերայում։ «Արծիվների» այս մրցաշրջանում խփած 60 գոլերից մոտ կեսը, իսկ ավելի կոնկրետ՝ 27-ը, բաժին է հասնում իտալացուն, և այդ ցուցանիշով նա ընդհամրապես լավագույնն է թոփ-5 առաջնություններում։
Իտալացի հարձակվողին ArmSport-ը առանձին անդրադարձել է Հրաշալի Չիրոն․ Արծիվները կրկին ճախրում են Հռոմի երկնակամարում նյութում։
⚽ ՌԲ Լայպցիգ՝ 62 գոլ
Գերմանական ակումբը երբ հայտնվեց Բունդեսլիգայում, միանգամից դարձավ առաջնության ամենաատելի թիմը մյուս ակումբների երկրպագուների կողմից․ ակումբ, որը չունի պատմություն, ֆուտբոլային ավանդույթներ, չէր կարող միանգամից ընդունվել շատերի կողմից։ Սակայն ճիշտ սելեկցիոն աշխատանքի շնորհիվ, թիմը տարեցտարի ավելացնում է՝ ցույց տալով դինամիկ և արդյունավետ ֆուտբոլ, և կամաց-կամաց կարծես թե սառույցը կոտրվում է, և շատերը սկսել են հաճույքով դիտել «ցուլերի» ցուցադարծ ֆուտբոլը։ Թիմի խփած գոլերի 1/3-ը բաժին է հասնում հարձակվող Տիմո Վերներին՝ 21 գոլ։
⚽ Բարսելոնա՝ 63 գոլ
Կատալոնական թիմի խփած գոլերի մոտ կեսից ավելին բաժին է հասնում Մեսսի-Սուարես-Գրիզման հարձակվողական տրիոյին։ Արգենտինացին հասցրել է արդեն 19 անգամ տխրեցնել մրցակիցների դարպասապահներին, իսկ Սուարեսը՝ 11։ Երրորդը թիմի նորեկ Անտուան Գրիզմանն է, ով իր հաշվին ունի 8 խփած գնդակ։
⚽ Լիվերպուլ՝ 66 գոլ
Չնայած մերսիսայդյան ակումբը ահռելի առավելությամբ գլխավորում է ԱՊԼ-ի մրցաշարային աղյուսակը, սակայն արդյունավետությամբ զիջում է իր գլխավոր մրցակցին՝ Գվարդիոլայի սաներին (մի փոքր ուշ կանրադառնանք)։ Անկախ ամեն ինչից, շարունակում է արդյունավետ գործել Յուրգեն Կլոպի «հրաշալի եռյակը»՝ Սալահը խփել է 16 գոլ․ Մանեն՝ 14 իսկ Ֆիրմինոն աչքի է ընկել 8 անգամ։ 38 գոլ երեք ֆուտբոլիստների հաշվին․ դա «Լիվերպուլի» խփած հնդակների կեսից ավելին է կազմում։
⚽ Բորուսիա Դորտմունդ՝ 68 գոլ
Գերմանական ակումբի խփած բոլոր գոլերի ուղիղ կեսը բաժին է հասնում երեք ֆուտբոլիստների․ Ջեյդոն Սանչոն հասցրել է աչքի ընկնել 14 գոլով, Մարկո Ռոյսը իր հաշվին ունի 11 գնդակ, իսկ ահա թիմի նորեկ Էրլինգ Հոլանդը արդեն 9 գոլ է խփել անցկացրած 8 հանդիպումներում։ «Երիստասարդ վիկինգը» արդեն հասցրել է դառանալ մի քանի ռեկորդների և տպավորիչ ցուցանիշների հեղինակ, որոնց կարող եք ծանոթանալ այստեղ։
⚽ Մանչեսթեր Սիթի՝ 68 գոլ
ԱՊԼ-ի ամենաարդյունավետ թիմը, որը դեռ մեկ խաղ էլ պակաս է անցկացրել «Լիվերպուից»։ Գվարդիոլայի թիմի ամենաարդյունավետ ֆուտբոլիստը շարունակում է մնալ Կուն Ագուրեոն, ով արդեն հասցրել է աչքի ընկնել 16 գոլով։ Ռահիմ Ստերլինգը և Գաբրիել Ժեզուսը իրենց հաշվին գրանցել են համապատասխանաբար 11 և 10 գնդակ։
⚽ Ատալանտա՝ 70 գոլ
Բերգամոյի ակումբը ամենաարդյունավետն է Ա Սրիայում և նաև գլխավոր հայտնությունը Չեմպիոնների Լիգայում։ Իտալիայի առաջնության միայն վերջին 5 խաղերում «Ատալանտան» խփել է 20 գոլ․ ֆանտաստիկ արդյունավետություն։ Թիմի գլխավոր ռմբարկուներն են Յոսիպ Իլիչիչը (15 գոլ) և Լուիս Մուրելը (13 գոլ)։ Հատկանշական է, որ թիմի երրորդ արդյունավետ ֆուտբոլիստը պաշտպան Գոսենսն է, ով արդեն հասցրել է աչքի ընկնել 7 խփած գնդակներով։
⚽ Բավարիա՝ 73 գոլ
Իսկ ահա մի փոքր առաջատարին զիջում է գերմանական գրանդը։ Սակայն արդարության համար նշենք, որ «Բավարիան» երկու խաղ պակաս է անցկացրել, քան մեր թոփի առաջատարը, որի մասին կխոսենք մի փոքր ուշ՝ 25 հանդիպում 27-ի դիմաց։ Շարունակում է փայլել թիմի առաջատար Ռոբերտ Լևանդովսկին, ով խփել է իր թիմի գոլերի 1/3-ից ավելին՝ 25 գոլ։ Այդ ցուցանիշով նա զիջում է միայն Չիրո Իմոբիլեին։ Բավականին արդյունավետ մրցաշրջան է անցկացնում նաև Սերժ Գնաբրին՝ 11 գոլ 23 անցկացած հանդիպումներում։
⚽ ՊՍԺ՝ 75 գոլ
Ֆրանսիական լիգայի վերջին տարիների դոմինանտը ամենաարդյուավետն է Եվրոպայում։ 75 գոլ 27 խաղում․ ստացվում է միջինը 2,77 գոլից ավել յուրաքանչյուր խաղում («Բավարիան» այդ ցուցանիշով առաջատարն է՝ 2,92)։ Թիմի գլխավոր ռմբարկուն Կիլիան Մբապեն է, ով իր հաշվին ունի 18 խփած գնդակ, նրան հաջորդում են Նեյմարը (13 գոլ) և Մաուրո Իկարդին (12 գոլ)։ 43 գոլ 75-ից երեք ֆուտբոլիստների հաշվին․․․ ֆանտաստիկ է։
Վար Բաբայան
