«Մանչեսթեր Սիթիի» մարզիչ Պեպ Գվարդիոլան բացատրել է «քաղաքաբնակների», Լոնդոնի «Արսենալի» և «Լիվերպուլի» միջև տարբերությունը։
«Այս ակումբների միջև մեծ տարբերություն կա, և դա այն է, որ մենք շատ միավորներ վաստակեցինք ավելացված ժամանակում:
Դա մեզ օգնեց հասնել այնտեղ, որտեղ այժմ գտնվում ենք: Երեք թիմերն էլ հիանալի մրցաշրջան են անցկացնում, բայց «Ման․ Սիթին» ավելի շատ միավորներ վաստակեց ուշ գոլերի շնորհիվ»,- իսպանացի մարզչի խոսքերն է մեջբերում The Mirror-ը։
Անգլիայի առաջնության 33 տուրից հետո «Մանչեսթեր Սիթին» վաստակել է 73 միավոր և գլխավորում է մրցաշարային աղյուսակը։ «Արսենալն» ու «Լիվերպուլը» հետ են մնում երկու միավորով:
