«Բարնլին» պարտվել է մրցաշրջանի առաջին 10 տնային հանդիպումներից 9-ում։ Սա առաջին անգամ տեղի է ունեցել Անգլիայի առաջնության բարձրագույն դիվիզիոնի ակումբի հետ։ Այս մասին հայտնում է Opta Sports վիճակագրական պորտալը։
Երեկ՝ դեկտեմբերի 26-ին, կայացել է Անգլիայի Պրեմիեր լիգայի 19-րդ տուրի հանդիպումը, որում հանդիպել են «Բարնլին» ու «Լիվերպուլը»։ Մերսիսայդցիները 2։0 հաշվով հաղթանակ են տարել:
«Բարնլին» իր միակ տնային հաղթանակը տարել է Անգլիայի առաջնության 14-րդ տուրի՝ «Շեֆիլդ Յունայթեդի» հետ խաղում՝ 5:0։
