Կատալոնական «Բարսելոնայի» գլխավոր մարզիչ Չավի Էրնանդեսը մոտ ապագայում կարող է հեռանալ զբաղեցրած պաշտոնից։ Այս մասին հայտնում է Football Espana-ն։
Աղբյուրի փոխանցմամբ՝ «Բարսելոնայի» նախագահ Ժոան Լապորտան ընտրել է մասնագետի, ով կարող է փոխարինել Չավիին։
Ռաֆայել Մարկեսը, ով ներկայումս աշխատում է կատալոնական ակումբի երկրորդ թիմում, կարող է նշանակվել «Բարսելոնայի» գլխավոր մարզչի պաշտոնում.
Հիշեցնենք, որ Մարկեսը 2003-ից 2010 թվականներին հանդես է եկել «Բարսելոնայում»։
Ավելի վաղ իսպանական As-ը հայտնել էր, որ «Բարսելոնայի» գլխավոր մարզիչ Չավին կարող է պաշտոնանկ արվել Չեմպիոնների լիգայի խմբային փուլի 5-րդ տուրի՝ «Պորտուի» դեմ առաջիկա խաղից հետո։
