Այն ժամանակահատվածում, երբ բելգիացի կիսապաշտպան Էդեն Ազարը հանդես էր գալիս «Չելսիում», լոնդոնյան ակումբի ղեկավարությունը նրան արգելում էր բուրգերներ գնել սննդի բեռնատարից, որը միշտ գտնվում էր «Սթեմֆորդ Բրիջի»՝ թիմի տնային մարզադաշտի մոտ։ Այս մասին հայտնում է Daily Mail-ը։
Աղբյուրի համաձայն՝ «Չելսիի» ղեկավարությանը դուր չի եկել այն, որ տնային հանդիպումներից հետո Ազարը հաճախ է գնացել մարզադաշտի մոտ գտնվող սննդի մեքենայի մոտ, որտեղ բուրգերներ և այլ արագ սնունդ էին վաճառում։ Բելգիացի ֆուտբոլիստի ֆիզիկական պատրաստվածության վրա դրականորեն ազդելու համար որոշվել է արգելել Ազարին այցելել այս սննդի մեքենա։
Հիշեցնենք՝ բելգիացին, որն օրերս հայտարարեց ֆուտբոլից հեռանալու մասին, 7 տարի է անցկացրել լոնդոնյան ակումբում։
