Ամերիկյան ներդրումային 777 Partners ընկերությունը ձեռք է բերել «Էվերթոնի» բաժնետոմսերի 94,1%-ը: Այս մասին հայտնում է Financial Times-ը։ Գործարքի գումարը չի բարձրաձայնվում:
Ակումբի նախորդ սեփականատերը՝ իրանցի բրիտանացի միլիարդատեր Ֆարհադ Մոշիրին, անցյալ տարվանից պոտենցիալ գնորդ է փնտրում՝ «Էվերթոնի» զգալի ֆինանսական դժվարությունների ֆոնին, որը մի քանի տարի անընդմեջ կորուստներ է գրանցել: Վերջին ֆինանսական տարում դրանք կազմել են 44 մլն ֆունտ ստերլինգ (մոտ 55 մլն դոլար)։
Մինչ այժմ Մոշիրին ակումբում ներդրել է մոտ 750 միլիոն ֆունտ, մինչդեռ «Էվերթոնի» ներկայիս արժեքը, ներառյալ պարտքը, գնահատվում է ոչ ավելի, քան 470 միլիոն ֆունտ ստերլինգ՝ Football Benchmark խորհրդատվական ընկերության կողմից:
Մինչ օրս 777 Partners-ը ներդրումներ է կատարել յոթ ֆուտբոլային ակումբներում, այդ թվում՝ «Հերտայում», «Սևիլիայում», «Ջենովայում» և «Վասկո դա Գամայում»:
