«Բարսելոնան» հետևում է «Մանչեսթեր Յունայթեդի» վինգեր Ջեյդոն Սանչոյի շուրջ ստեղծված իրավիճակին:
Վինգերը հեռացվել է «Մանչեսթեր Յունայթեդի» թիմից այն բանից հետո, երբ հրապարակավ պատասխանել է մարզչի քննադատությանը: Էրիկ տեն Հագը դրական չի պատասխանել այն հարցին, թե արդյոք Սանչոն կրկին կխաղա «Յունայթեդում»:
«Բարսելոնան» հետևում է 23-ամյա ֆուտբոլիստի շուրջ զարգացումներին և դիտարկում է հունվարին նրան վարձավճարով ձեռք բերելու տարբերակը: Այս պահին կատալոնացիները քայլեր չեն ձեռնարկել այս ուղղությամբ՝ ակումբը պարզապես հետևում է իրավիճակին, գրում է Diario Sport-ը։
Նշվում է, որ Սանչոն լրջորեն մտածում է «Մանչեսթեր Յունայթեդից» հեռանալու մասին։
