Մադրիդի «Ռեալի» ֆիզիոթերապևտները օգտագործում են նորագույն տեխնոլոգիաներ՝ արագացնելու բրազիլացի հարձակվող Վինիսիուս Ժունիորի վերականգնումը վնասվածքից: Համացանցում տեսանյութ է հայտնվել, որտեղ բրազիլացին վազում է մինչև գոտկատեղը լինելով ջրի մեջ։
Ֆրանսիացի հարձակվող Կարիմ Բենզեմայի՝ ակումբից հեռանալուց հետո մարզչական շտաբը Վինիսիուսին տեսնում է թիմի գլխավոր ռմբարկուի դերում։ Սակայն ամռան վերջին հայտնի դարձավ, որ եզրային հարձակվողը բաց կթողնի մեկուկես ամիս՝ ազդրի երկգլխանի մկանի վնասվածքի պատճառով։
Մադրիդցիները չշտապեցին փոխարինող խաղացող փնտրել՝ որոշելով բավարարվել այն ֆուտբոլիստներով, որոնց գլխավոր մարզիչ Կառլո Անչելոտին այժմ ունի իր տրամադրության տակ։
Հիշեցնենք, որ Վինիսիուսը վնասվածք էր ստացել «Սելտայի» հետ իսպանական Պրիմերայի 3-րդ տուրի խաղի առաջին խաղակեսում (1:0): Կիսապաշտպանը փոխարինվել էր հանդիպման 18-րդ րոպեին։
Այս մրցաշրջանում Վինիսիուսը մասնակցել է երեք հանդիպման, որոնցում դարձել է մեկ գոլի հեղինակ։ 2022/2023 մրցաշրջանում 23-ամյա վինգերը մադրիդյան ակումբի կազմում անցկացրել է 55 հանդիպում, որոնցում դարձել է 23 գոլի և 21 գոլային փոխանցման հեղինակ։
