Մյունխենի «Բավարիայի» եւ Անգլիայի հավաքականի հարձակվող Հարի Քեյնը կիսվել է իր կարծիքով «Տոտենհեմի» նախկին կիսապաշտպան Դելլե Ալիի հարցազրույցի մասին։
«Կարծում եմ, որ Դելլին չափազանց խիզախ էր այս հարցազրույցն անելիս: Մենք շփվեցինք, բայց ես չգիտեի, թե ինչի միջով է անցել նա իր կյանքում: Իհարկե, ինձ համար անսպասելի էր սա լսել։ Դրանից հետո ես գրեցի նրան և ասացի, թե որքան կարևոր է նրա արածը, քանի որ դա ցույց կտա այլ մարդկանց, որ նրանք պետք է կիսվեն իրենց փորձով, դա կօգնի նրանց ավելի հարմարավետ զգալ: Ես գիտեմ, որ նա շատ է մարզվում մարզավիճակ ձեռք բերելու համար, և ես չեմ կարող սպասել, որ նա նորից ֆուտբոլ խաղա», — Քեյնի խոսքերն է մեջբերում The Athletic-ը:
Հիշենք, որ անցած ամառ Ալլին հուզական հարցազրույց էր տվել, որտեղ պատմել էր իր մանկության տրավմայի և հոգեբանական խնդիրների մասին։
