«Մանչեսթեր Սիթիի» հարձակվող Խուլիան Ալվարեսը կարող է կարիերան շարունակել Իսպանիայում, հայտնում է Fichajes-ը։
Աղբյուրի համաձայն՝ 23-ամյա արգենտինացու տրանսֆերին հավակնում է Մադրիդի «Ռեալը»:
Մադրիդցիները դիտարկում են ֆուտբոլիստին ձմեռային տրանսֆերային պատուհանի ժամանակ ձեռք բերելու տարբերակը:
2022/23 մրցաշրջանում Ալվարեսը անցկացրել է 49 հանդիպում՝ դառնալով 17 գոլի և 5 գոլային փոխանցման հեղինակ։ Նրա պայմանագիրը նախատեսված է մինչև 2028 թվականի ամառը։ Transfermarkt-ը նրա տրանսֆերային արժեքը գնահատում է 60 միլիոն եվրո:
