Մադրիդի «Ատլետիկոյի» սլովենացի դարպասապահ Յան Օբլակը կարող է տեղափոխվել Մյունխենի «Բավարիա»։ Այս մասին հայտնում է Mundo Deportivo-ն։
Դավիդ դե Խեայի հեռանալը «Մանչեսթեր Յունայթեդից» արագացրել է բանակցությունները՝ նրան փոխարինելու «Ինտերի» դարպասապահ Անդրե Օնանայով։ Այս մասին հայտնում է աղբյուրը։ Ներաձուրիներն իրենց հերթին դեմ չեն լինի պայմանագիր կնքել «Բավարիայի» դարպասապահ Յան Զոմերի հետ: Այսպիսով, մյունխենյան ակումբին նոր դարպասապահ պետք կգա, իսկ հնարավոր տարբերակներից մեկը Յան Օբլակն է։ Այնուամենայնիվ, չափազանց դժվար կլինի պայմանագիր կնքել «Ատլետիկոյի» 30-ամյա դարպասապահի հետ, քանի որ «ներքնակները» չեն ցանկանում բաց թողնել իրենց առաջատարին և «Բավարիայից» կպահանջեն ֆուտբոլիստի համար վճարել 120 միլիոն եվրո: Դա կարող է ստիպել մյունխենյան ակումբին դիտարկել այլ տարբերակներ, որոնցից մեկը «Վալենսիայի» դարպասապահ Գիորգի Մամարդաշվիլին է։
Յան Օբլակը «Ատլետիկոյում» հանդես է գալիս 2014 թվականից։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 35 միլիոն եվրո։
