«Բարսելոնայի» գլխավոր մարզիչ Չավին մեկնաբանել է Իսպանիայի գավաթի 1/8 եզրափակչում «Աթլետիկից» կրած պարտությունը.
Հանդիպումն անցկացվեց Բիլբաոյում և ավարտվեց տանտերերի հաղթանակով լրացուցիչ ժամանակում՝ 3-2: Բասկերի վճռորոշ գոլը խփվեց առաջին լրացուցիչ խաղակեսի վերջնամասում՝ Խորդի Ալբայի ձեռքով խաղի համար նշանակված 11 մետրանոցից։
«Նրանք մեզ չթողեցին հաշվի մեջ առջևում լինել: Նրանք պաշտպանվում էին այնպիսի ինտենսիվությամբ, որին մենք չէինք կարող համապատասխանել: Ես տեսա շատ ուժեղ աթլետիկ ակումբ. Պեդրիի գոլը մեզ հույս տվեց, բայց ի վերջո դուրս մնացինք Գավաթից։
Դա ծանր պարտություն է, բայց մենք այլ ճանապարհ չունենք, քան շարունակել աշխատել և մտածել Լա Լիգայի և Եվրոպայի լիգայի մասին: Պետք է համարձակ լինել ու փոխել իրադարձությունների ընթացքը։ Պետք է էմոցիոնալ կերպով վերականգնենք թիմը։
Ինձ դուր չի գալիս «ձախողում» բառը, բայց եթե ուզում եք բնութագրել այս արդյունքը, թող դա լինի «փորձ»: Դրականն այն է, որ մենք պայքարեցինք մինչև վերջ»,- Չավիի խոսքերն է մեջբերում Sport.es-ը։
