Միլանը և Պիոլին համաձայնության են եկել նոր պայմանագրի շուրջ

«Միլանի» գլխավոր մարզիչ Ստեֆանո Պիոլին շուտով կերկարաձգի պայմանագիրն ակումբի հետ, տեղեկացնում է Calciomercato-ն։ Կողմերը պայմանավորվել են պայմանագրի գրեթե բոլոր մանրամասների շուրջ։

Հաղորդվում է, որ «Միլանի» գործադիր տնօրեն Իվան Գազիդիսը մոտ ժամանակներս կվերադառնա աշխատանքային այցից, որից հետո պայմանագիրը պաշտոնապես կկնքվի։

Պայմանագիրը նախատեսված է լինելու մինչև 2024 թվականը՝ ևս մեկ տարով երկարաձգելու հնարավորությամբ, Պիոլիի աշխատավարձը կկազմի 3,5 միլիոն եվրո մեկ մրցաշրջանի համար՝ գումարած բոնուսներ։

Հիշեցնենք, որ Պիոլին ակումբը գլխավորել է 2019 թվականի հոկտեմբերին։