«Մանչեսթեր Յունայթեդի» հարձակվող Կրիշտիանու Ռոնալդուն խոսել է անգլիական ակումբ վերադառնալու մասին.
«Ի՞նչ զգացողություններ կան նորից ՄՅՈւ-ի ֆուտբոլիստ կոչվելիս. ինչպես գիտեք, ես ֆանտաստիկ պատմություն եմ ունեցել այս զարմանահրաշ ակումբում:
Ես այստեղ խաղացել եմ 18 տարեկանում և շատ երջանիկ եմ 12 տարի անց տուն վերադառնալու առթիվ»,- ասել է Ռոնալդուն:
Ավելի վաղ «Յուվենտուսը» բացահայտել էր հարձակվող Կրիշտիանու Ռոնալդուի «Մանչեսթեր Յունայթեդ» տեղափոխության ֆինանսական մանրամասները:
Թուրինյան ակումբի մամուլի ծառայության հայտարարության համաձայն՝ «Մանչեսթեր Յունայթեդը» պորտուգալացի ֆուտբոլիստի համար 5 տարվա ընթացքում կվճարի 15 միլիոն եվրո:
Այս գումարը կարող է ավելանալ առավելագույնը ևս 8 միլիոնով՝ պայմանավորված նոր թիմում Ռոնալդուի հաջող ելույթներով:
