ՉԼ որակավորման առաջին փուլի պատասխան խաղում Երևանի Ալաշկերտը սեփական հարկի տակ ոչ-ոքի՝ 0:0 հաշվով ավարտեց Ուելսի չեմպիոնի հետ պատասխան հանդիպման հիմնական ժամանակն ու լրացուցիչ ժամանակում խփած միակ գոլի շնորհիվ կարողացավ դուրս գալ հաջորդ փուլ:
Թե՛ առաջին կեսում, թե՛ երկրորդում ակտիվ էին գործում մեր թիմի ֆուտբոլիստներն ու բավականին վտանգավոր պահեր ստեղծեցին մրցակցի դարպասի մոտ։ Երկրորդ կեսի վերջնամասում երևանյան թիմն ավելի մեծացրեց ճնշումը, սակայն գնդակը ոչ մի կերպ չէր հայտնվում մրցակցի դարպասում:
Մրցակցի ֆուտբոլիստներին մեր կիսադաշտում կարելի էր տեսնել ոչ հաճախ ու նրանց կողմից մեր դարպասին վտանգավոր հարվածները կարելի է մի ձեռքի մատների վրա հաշվել։
Երևանյան թիմը հաղթական գոլը խփեց 113-րդ րոպեին: Գոլի հեղինակ դարձավ Բեզեկուրտը:
Այսպիսով, Ալեքսանդր Գրիգորյանի թիմը դուրս եկավ որակավորման 2-րդ փուլ, որտեղ կմրցի մոլդովական Շերիֆի հետ:
