«Բարսելոնայի» գլխավոր մարզիչ Ռոնալդ Կումանը խոսել է թիմի հարձակվող Լիոնել Մեսսիի շուրջ ստեղծված իրավիճակի մասին․ նրա պայմանագիրն ակումբի հետ ավարտվել է․
«Եթե խնդիրը լուծված չէ, ապա պետք է անհանգստանալ։ Բայց ես միանգամայն վստահ եմ, որ ակումբի նախագահը կլուծվի այս իրավիճակը։ Հուսով եմ՝ այդպես էլ կլինի, քանի որ թե՛ ակումբի, և թե՛ ամբողջ լիգայի համար շատ կարևոր է, որ աշխարհի լավագույն ֆուտբոլիստը մնա այստեղ։ Մենք բոլորս պետք է փորձենք այնպես անել, որ Մեսսին մնա։
Լեոն միշտ ցույց է տվել, որ ցանկանում է մնալ «Բարսելոնայում»։ Նա և ակումբը աշխատում են համաձայնության գալ։ Հիմա Մեսսին խաղում է Ամերիկայի Գավաթում ու մտածում է այլ բաների մասին։ Հուսով եմ՝ նրանք կհաղթեն Բրազիլիային եզրափակչում։ Իմ կարծիքով, նա պետք է մնա «Բարսելոնայում»։ Այնքան էլ լավ չի լինի, եթե արդյունքում նա հայտնվի մեկ այլ թիմում։
Պետք է ամեն ինչ անել Լեոյին թիմում պահելու համար։ Սա հիմա ամենակարևորն է։ Մեսսին այս ակումբի ապագան է, նա ամեն տարի հիանալի է հանդես գալիս»,- Կումանի խոսքերն է փոխանցում Marca-ն։
