ՈւԵՖԱ-ի նախկին նախագահ Միշել Պլատինին մեղադրել է ՖԻՖԱ-ի ներկայիս ղեկավարությանը այն բանի համար, որ նրան թույլ չեն տվել ղեկավարել այդ կազմակերպությունը 2016 թ.։ Նա մաֆիայի հետ է համեմատել ՖԻՖԱ-ի և Լոզանի Արբիտրաժային դատարանի (CAS) գործունեությունը:
«Ես ատում եմ անարդարությունը, այլևս չեմ կարող համակերպվել դրա հետ: ՖԻՖԱ-ն և CAS-ը հանդես են գալիս որպես մաֆիա: Ես դա տեսա ներսից: Ընկերներից կազմված այս խումբը անում է իրենց ուզածը: Նրանք ոչ մեկին չեն հնազանդվում: ՖԻՖԱ-ի, ՈՒԵՖԱ-ի և CAS-ի փաստաբաններն ըստ էության նույն մարդիկ են, ովքեր ապրում են փոքրիկ Շվեյցարիայում և անընդհատ շփվում են:
Նրանք կարող են ստիպել որևէ մեկին անհետանալ ֆուտբոլից: Այս պարագայում ինձ համար նման բան պատահեց: Նրանք արեցին ամեն ինչ, որպեսզի ես չդառնայի ՖԻՖԱ-ի նախագահ», — Պլատինիի խոսքերն է մեջբերում Sport.pl-ը:
Հիշեցնենք, որ 2015-ի աշնանը Պլատինին, ով ղեկավարում էր ՈւԵՖԱ-ն 2007 թվականից մինչև 2017 թվականը, ութ տարի ժամկետով հեռացվել էր ցանկացած ֆուտբոլային գործունեությունից ՝ ՖԻՖԱ-ի նախկին ղեկավար Ժոզեֆ Բլատերից կազմակերպության միջոցներից 2 միլիոն շվեյցարական ֆրանկ ստանալու համար: Հետագայում որակազրկումը կրճատվեց չորս տարով: Պլատինիի գործունեության կասեցումն ավարտվել է 2019 թվականի հոկտեմբերի 8-ին: Դեկտեմբերի 16-ին հայտնի դարձավ, որ ՖԻՖԱ-ն դատի է տվել Պլատինիին և Բլատերին ՝ պահանջելով առգրավվել այդ 2 միլիոն ֆրանկը (1,8 միլիոն եվրո):
