Այսօր ընկերական խաղում Գյումրիի «Շիրակը» 2:1 հաշվով հաղթել է «Սևանին»:
Առաջին խումբը ներկայացնող ակումբն իր ֆեյսբուքյան էջում հայտնել է, որ խաղից հետո հանդիպման գլխավոր մրցավարը բռունցքով հարվածել է «Սևանի» ֆուտբոլիստին: Վերջինս, հանդիպման ընթացքում դժգոհ է իր թիմի դարպասին 11 մետրանոց նշանակելու համար:
«Ձորաղբյուրի մարզաբազայի արհեստական ծածկով խաղադաշտում այսօր՝ հունվարի 31-ին կայացավ ստուգողական հանդիպումը «Սևան» և «Շիրակ» թիմերի միջև։
Չնայայած խաղի ստուգողական կամ ընկերական կարգավիճակին բավականին հետաքրքիր հանդիպում ստացվեց, ու հաղթողը որոշվեց խաղի հիմնական ժամանակի ավարտից մեկ րոպե առաջ։ Գյումրիի թիմը իրացնելով 11 մետրանոց հարվածը, հաղթանակի հասավ՝ 2։1 հաշվով։
Երկու թիմերն էլ երկու խաղակեսերում հանդես եկան տարբեր կազմերով։ Շարունակվում են թե հիմնական կազմի խաղային օղակների համագործակցության հղկումներն ու տակտիկական տարբեր փորձարկումները, և թե նոր ֆուտբոլիստների փորձարկումները։ Կարճ ասած մարզիչների համար բավականին ծանրաբեռնված ու կարևոր ժամանակահատված է։
Մեր թիմի մասնավորապես այսպես ասած առաջին կազմը շատ լավ խաղակես անցկացրեց, ու մինչև ընդմիջում խաղի հաշիվը հավասար էր՝ 1։1։ «Սևան» -ի կազմում գոլի հեղինակ դարձավ՝ Ախմեդ Ջինդոյանը։ Իսկ երկրորդ կեսում գրանցվեց դարպասի մեկ գրավում 11 մետրոնացով, որն էլ հաղթանակ ապահովեց «Շիրակ»-ին։
Խաղն ավարտվեց ու թիմերը պատրաստվում էին գնալ դեպի հանդերձարան, ու տեղի տվեցին մրցավարի նյարդերը։ Խաղը սպասարկով մրցավար Սամվել Հովսեփյանը հարվածեց «Սևան» -ի ֆուտբոլիստ Հակոբ Համբարձումյանի դեմքին մի ակնթարթում ամեն ինչ հասցնելով մինչև վտանգավոր աստիճանի։
11 մետրանոց նշանակելու ժամանակ «Սևան» -ի ֆուտբոլիստը ֆուտբոլին բնորոշ ձևով դժգոհեց մրցավարի որոշումից։ Ոչ մի արտասավոր բան չկար այդ դրվագում։ Բայց մրցավարն անդրդվելի էր, ու ցույց տալով նշակետը այլևս ոչ մի այլ որոշում չկայացրեց։ Եթե «Սևան» -ի ֆուտբոլիստը իրեն ավելորդ արտահայտություններ էր թույլ տվել, ապա մրցավարը դրա համար իր գրպանում ուներ երկու գույնի՝ դեղին և կարմիր քարտ, բայց Սամվել Հովսեփյանը, ոչ մեկը, ոչ էլ մյուսը ցույց չտվեց ֆուտբոլիստին։
Ազդարարելով խաղի ավարտը մրցավարը դիմեց «կտրուկ» գործողությունների։ Մոտենալով Համբարձումյանին բռցքամարտին բնորոշ աջ հուկով փորձեց նոկդաունի ենթարկել ֆուտբոլիստին։ Ու միայն երկու թիմերի ֆուտբոլիստների ու մարչական կազմի միջամտության շնորհիվ հաջողվեց հանդարտեցնել մթնոլորտը։ Թե ինչո՞վ էր մտածում մրցավարը ֆուտբոլիստին հարվածելիս դժվար է հասել, բայց հաստատ գլխով չէր մտածում։
Հարվածել ֆուտբոլիստին,այն էլ խաղադաշտում երբ հանդիպման մասնակիցները դեռ չեին լքել մրցասպարեզը սա նորություն է հայկական ֆուտբոլում։ Միգուցե նման նորարաություններով ենք փորձելու զարգացնել ֆուտբոլը Հայաստանում։ «Սևան» -ի 18 ֆուտբոլիստներ կարող էին մրցավարին, ու նրա օգնականներին պարզապես ջախջախել այդպիսի իրավիճակում։
Սակայն մրցավարին օգնության հասան մրցող կողմերի ներկայացուցիչներն ու սահմանն անցնել ոչ ոքի չհաջողվեց։ Աննախադեպ երևությները շարունակվում են հայկական խաղում։ Նման իրավիճակում մի բան է մխիթարում։ Խաղն ընկերական էր, և անկախ մրցավարի պահվածքից, մրցող կողմերը իրար շնորհակալություն հայտնեցին խաղի համար, և բարեկամաբար բաժանվեցին»,-ասված է ակումբի հայտարարության մեջ:
