2019 թվականն ավարտվում է: Ոմանց համար այն հաջողությունների տարի էր, բայց ոմանք էլ ցանկանում է հնարավորինս շուտ մոռանալ այն: Այս փոքրիկ հոդվածում մենք կխոսենք նրանց մասին, ում համար այս տարին թերևս ամենավատն էր իր ֆուտբոլային կյանքում: Առանձնացրել ենք ֆուտբոլային աշխարհի 5 ներկայացուցչի:
Գարեթ Բեյլ
Բեյլի համար 2019 թվականը այդքան էլ հաջող չի կարելի համարել՝ բացառությամբ Ուելսի հավաքականի ընդգրկումը Եվրո-2020-ի եզրափակիչ փուլում: Գարեթը չկարողացավ փոխարինել Կրիշտիանու Ռոնալդուին «Ռեալի» գլխավոր դիպուկահարի դերում, իսկ «սերուցքայինների» երկրպագուներն այս տարի բազմիցս վիրավորական արտայահտություններ էին հասցեագրում ուելսացուն: Զինեդին Զիդանը ակումբին խնդրեց ազատվել Բեյլից: Ֆուտբոլիստը ցանկանում էր մեկնել Չինաստան ՝ աշխատավարձը բարձր պահելու համար, բայց վերջին պահին նրա տրանսֆերը չկայացավ: Գարեթը զայրացած էր: Ամեն ինչ հասնում էր անհեթեթության սահմանին. կատակներ այն դրոշի վրա, որի վրա գրված էր «Ուելս. Գոլֆ, Մադրիդ … այդ հերթականությամբ», բացակայություններ մարզումներից՝ գոլֆ խաղալու համար և այլն:
Նեյմար
Ուղիղ երկու-երեք տարի առաջ Նեյմարը աշխարհի երեք լավագույն խաղացողներից մեկն էր, իսկ այս տարի նա նույնիսկ «Ոսկե գնդակի» հավակնորդների ընդլայնված ցուցակում չէր: 2019-ին ամբողջովին պարզ դարձավ, որ ՊՍԺ տեղափոխվելը աշխարհի ամենավառ հարձակվողներից մեկի մեծագույն սխալն էր: Վնասվածքների պատճառով բրազիլացին երկրորդ տարին անընդմեջ բաց թողեց Չեմպիոնների լիգայի վճռորոշ հանդիպումները: Ամռանը ձախողվեց նրա վերադարձը «Բարսելոնա», որը հրաժարվեց ընդունել փարիզյան ակումբի պայմանները: Նույնիսկ ազգային հավաքականում նա զրկվեց ավագի թևկապից:
Կրիշտիանու Ռոնալդու
Կրիշտիանուն նույնպես մեր հնգյակում է, քանի որ այս տարին լիակատար հիասթափություն է պորտուգալացու համար: Նախ, Ռոնալդուն «Յուվենտուսում» ընդհատեց Չեմպիոնների լիգայում իր հաղթանակների շարքը, որը նա ուներ «Ռեալի» հետ: Այնուհետև հարձակվողը զիջեց Ա Սերիայի լավագույն ռմբարկուի տիտղոսի համար պայքարը՝ իր սեփական փորձից համոզվելով, որ Իտալիայում գոլ խփելն ավելի դժվար է: Վերջապես, դեկտեմբերին Կրիշտիանուն գրավեց միայն երրորդ տեղը «Ոսկե գնդակի» համար պայքարում: Մեկ այլ տհաճ պատմություն է «Յուվենտուսի» նոր գլխավոր մարզիչ Մաուրիսիո Սարիի հետ կոնֆլիկտը, ով հանդիպումների ընթացքում փոխարինում էր Ռոնալդուին:
Պոլ Պոգբա
Ֆրանսիացի կիսապաշտպանը «Մանչեսթեր Յունայթեդում» անհարմար էր իրեն զգում դեռ Ժոզե Մոուրինյոյի գլխավորությամբ, սակայն անցյալ տարի բոլոր բացասական հույզերը մոռացվեցին՝ հավաքականի հետ ԱԱ-2018-ի տարած հաղթանակով: Բայց 2019 թվականը Պոգբային ոչ մի լավ բան չբերեց: «Մանչեսթեր Յունայթեդը» վերածվում է Օլե Գունար Սուլշերի հետ միջին կարգի թիմի և հրաժարվում է Պոգբային վաճառել «Ռեալին»: Ավելի ճիշտ՝ դրան խանգարում է ֆուտբոլիստի է խենթ տրանսֆերային արժեքը: Թվում է, թե այս ձմեռ Զինեդին Զիդանը նույնպես իր տրամադրության տակ չի ունենա հայրենակցին: Ամենավատն այն է, որ տարեվերջին Պոգբան չէր խաղում, քանի որ բուժվում էր վնասվածքից: Մի խոսքով՝ տարին բոլորովին Պոգբայինը չէր:
Ունաի Էմերի
2019-ը իսպանացի մասնագետին բացարձակապես փառք չբերեց: Լոնդոնյան ակումբի ձախողումը Ունայիի համար ամենացավոտն է՝ հնարավորության և ամբիցիաների առումով: Նա չկարողացավ թիմին նոր մակարդակի հասցնել Արսեն Վենգերից հետո: Ամեն ինչ ավարտվեց արագ և բավականաչափ… «EmeryOut»… երկրպագուների այս կոչը ամեն ինչ ասում է մեր փոխարեն:
Վար Բաբայան
