Ֆորմուլա 1-ի կրկնակի չեմպիոն Ֆերնանդո Ալոնսոն հաջորդ մրցաշրջանում կվերադառնա մրցավազքի, հայտնում է BBC-ն: Աղբյուրի համաձայն, 38-ամյա իսպանացի ավտոարշավորդը 2021 թվականին պայմանագիր է կնքելու ֆրանսիական Renault թիմի հետ:
Նշվում է, որ Ալոնսոն բանակցություններ էր վարում ֆրանսիական թիմի հետ անցյալ տարվա նոյեմբերից: Թիմում նա կփոխարինի ավստրալիացի Դանիել Ռիկարդոյին, ով հաջորդ մրցաշրջանից հանդես կգա McLaren-ի կազմում:
Ալոնսոն մասնակցել է Ֆորմուլա 1-ին 2015 թվականից մինչև 2018 թվականը: Իր կարիերայի ընթացքում նա երկու անգամ ներկայացրեց Renault-ոն՝ թիմի հետ նվաճելով չեմպիոնությունը 2005 և 2006 թվականներին:
2018-ին, մի քանի անհաջող մրցաշրջանից հետո, Ալոնսոն դադարեց ելույթներ ունենալ Ֆորմուլա 1-ում: 2019-ին նա շահեց Լե Մանսի մրցավազքի 24 ժամերը, իսկ այս տարվա սկզբին մասնակցեց Դակարի ռալի-մարաթոնին:
