«Շիրակի»22-ամյա պաշտպան Ժիրայր Մարգարյանի՝ «Արարատի» հետ խաղում տուգանայինից խփած գեղեցիկ գոլն ArmSport-ի ընթերցողների վարկածով ճանաչվել է լավագույնը Բարձրագույն խմբի առաջնության 25-րդ տուրում:
Մեր կայքում անցկացված հարցման արդյունքներով Մարգարյանի գոլի օգտին 83 օգտատեր է քվեարկել, կամ հարցման մասնակիցների 48.82%-ը:
Հիշեցնենք՝ Մարգարյանն այդ խաղում դուբլ էր ձևակերպել, իսկ «Շիրակը» 4-1 հաշվով կարևոր հաղթանակ էր տարել:
Երկրորդ տեղում հայտնվել է հայ մեկ այլ ֆուտբոլիստի՝ Միհրան Մանասյանի տպավորիչ գոլը «Արարատ-Արմենիայի» հետ խաղում: Մանասյանը Վանաձորում կայացած այդ խաղի 95-րդ րոպեին շրջադարձ գեղեցիկ հարվածով գնդակն ուղարկել էր «Արարատ-Արմենիայի» դարպասն ու հաղթանակ պարգևել իր թիմին: Նրա գոլը մեր հարցման արդյունքներով 51 ձայն է ստացել (30 %):
Լավագույն գոլերի եռյակը եզրափակում է «Նոայի» ֆուտբոլիստ Կիրիլ Բոռը՝ «Ալաշկերտի» հետ խաղում տուգանայինից խփած իր հիանալի գոլով, որի շնորհիվ «Նոան» նվազագույն հաշվով հաղթանակ էր տարել: Բոռի գոլի օգտին քվեարկել է հարցման մասնակիցների 10.59%-ը (18 ձայն):
Քվեարկության արդյունքներն, ընդհանուր առմամբ, այս տեսքն ունեն.
