«Արսենալի» կիսապաշտպան Մաթեո Գենդուզին ԱՊԼ-ի 30-րդ տուրի՝ «Բրայթոն էնդ Հոուվ Ալբիոնի» հետ խաղում ծաղրել է մրցակցի խաղացողներին:
Daily Mail-ը հայտնում է, որ հանդիպման ընթացքում ֆրանսիացի ֆուտբոլիստը «Բրայթոնի» ֆուտբոլիստներին աղբ է անվանել, ծիծաղել է նրանց աշխատավարձերի վրա՝ ասելով, որ իր թիմակիցներն այնքան են ստանում, որքան նրանք երբեք չեն ստանա: Ավելին, աղբյուրի փոխանցմամբ, Մաթեոն շատ այլ խաղերում ևս իրեն այդպես է պահել և «Արսենալն» արդեն չի հանդուրժում այս ամենը:
Հիշեցնենք՝ հանդիպման ելքը վճռվել է Նիլ Մոպեի՝ 90+5-րդ րոպեին խփած գոլը, ինչի շնորհիվ «Բրայթոնը» 2-1 հաշվով հաղթանակ է տարել: Եզրափակիչ սուլիչից հետո թիմերի միջև քաշքշուկ է սկսվել, որի կենտրոնում հայտնվել են Մոպեն և Գենդուզին: Վստահեցվում է, որ բելգիացին հանդիմանել է Գենդուզիին՝ իր գոռոզ պահվածքի համար:
